وفاقی وزیر برائے خزانہ و محصولات سینیٹر محمد اورنگزیب کی زیر صدارت پاکستان ایگری کلچرل اسٹوریج اینڈ سروسز کارپوریشن (PASSCO) اور یوٹیلٹی اسٹورز کارپوریشن (USC) کی بندش کے عمل کا جائزہ لینے کے لیے ایک اجلاس منعقد ہوا۔
اجلاس کے دوران درج ذیل امور پر ہونے والی پیشرفت اور اقدامات کا تفصیلی جائزہ لیا گیا:
- ملازمین کے حقوق: ملازمین کے لیے منظور شدہ سیورینس (severance) پیکیج کی ادائیگی۔
- وینڈرز کے واجبات: بایومیٹرک اور آڈٹ تصدیق کے بعد وینڈرز کے منظور شدہ واجبات اور تمام دعوؤں کی اداؤگیاں۔
- اسٹاک اور اثاثہ جات: برانڈڈ اور دیگر اشیائے خورونوش کے اسٹاک کی واپسی یا تلفی، اور ریک، گاڑیاں، آئی ٹی سامان اور جائیدادوں کی نیلامی یا منتقلی۔
- پاسکو کے اسٹاکس: صوبوں میں موجود پاسکو کے اسٹاک کی منتقلی کے لیے صوبائی حکام کے ساتھ قریبی رابطہ کاری۔
وزیر خزانہ نے عمل کو وقت پر، شفافیت کے ساتھ اور سرکاری وسائل کی حفاظت کو یقینی بناتے ہوئے منطقی انجام تک پہنچانے پر زور دیا۔
Read the full story on the original publisher’s website.
Open original article