اسٹیٹ بینک آف پاکستان (SBP) نے سوشل میڈیا پر زیر گردش ان افواہوں کی سختی سے تردید کی ہے جن میں دعویٰ کیا گیا تھا کہ 10 روپے کا بینک نوٹ مرحلہ وار ختم کیا جا رہا ہے یا اس کی منسوخی کے لیے کوئی آخری تاریخ مقرر کر دی گئی ہے۔
مرکزی بینک نے ان خبروں کو بے بنیاد قرار دیتے ہوئے واضح کیا کہ نئی بینک نوٹ سیریز متعارف کرانے کی تجویز وفاقی کابینہ کے زیر غور ہے، لیکن فی الحال کسی بھی مالیت کے نوٹ کو تبدیل کرنے یا ختم کرنے کا کوئی فیصلہ نہیں کیا گیا ہے۔
اسٹیٹ بینک کے مطابق، اگر ایسا کوئی فیصلہ لیا گیا تو اس کا باقاعدہ اعلان سرکاری ذرائع سے کیا جائے گا اور عوام کو پرانے نوٹ تبدیل کرنے کے لیے مناسب وقت دیا جائے گا۔
Read the full story on the original publisher’s website.
Open original article