پاکستان کا ڈیجیٹل ادائیگیوں کا نظام ابتدائی مرحلے سے نکل کر اب روزمرہ کے مالیاتی رویوں کا حصہ بنتا جا رہا ہے۔ اسٹیٹ بینک آف پاکستان (SBP) کے پیمنٹ سسٹمز کوارٹرلی ریویو کے مطابق، جنوری تا مارچ 2026 کے دوران ملک میں 3.7 ارب ریٹیل لین دین ریکارڈ کیے گئے، جن میں سے 92 فیصد یعنی 3.4 ارب ٹرانزیکشنز ڈیجیٹل ذرائع سے ہوئیں جن کی مجموعی مالیت 68.3 ٹریلین روپے رہی۔
اسٹیٹ بینک کے مطابق مارچ 2026 کے اختتام تک 2.6 ملین سے زائد مرچنٹس 'راست مرچنٹ (P2M)' ادائیگیوں کے لیے رجسٹرڈ ہو چکے تھے تاہم اب چیلنج ان کی رجسٹریشن کو باقاعدہ استعمال میں تبدیل کرنا ہے۔ اس مقصد کے لیے حکومت نے ستمبر 2025 سے جون 2026 کے درمیان راست P2M کیو آر (QR) کوڈ ٹرانزیکشنز کی مدد کے لیے 3.5 ارب روپے مختص کیے ہیں۔
راست ٹرانزیکشنز کی کوارٹر وار نمو (ارب روپے میں)
| کوارٹر | راست ٹرانزیکشنز کی تعداد (ملین میں) |
|---|---|
| دوسرا کوارٹر مالی سال 25-2024 | 295.7 |
| تیسرا کوارٹر مالی سال 25-2024 | 371.2 |
| چوتھا کوارٹر مالی سال 25-2024 | 412.1 |
| پہلا کوارٹر مالی سال 26-2025 | 543.9 |
| دوسرا کوارٹر مالی سال 26-2025 | 645.7 |
| تیسرا کوارٹر مالی سال 26-2025 | 742.0 |
انڈسٹری ماہرین کا کہنا ہے کہ راست کے ذریعے پی ٹو پی (P2P) اور پی ٹو ایم (P2M) ادائیگیوں کو صارفین کے لیے مفت رکھنے کی وجہ سے بینکوں اور فن ٹیک کمپنیوں کو ٹیکنالوجی اور سپورٹ کی لاگت پوری کرنے میں تجارتی چیلنجز کا سامنا ہے۔
Read the full story on the original publisher’s website.
Open original article