وفاقی حکومت نے ملک میں غیر تسلیم شدہ آئی ٹی (IT) اداروں کے خلاف سخت اقدامات اٹھانے اور کمپیوٹنگ ایجوکیشن کے معیار کو عالمی تقاضوں کے مطابق بنانے کا فیصلہ کیا ہے۔
وفاقی وزیر برائے اقتصادی امور احد چیمہ نے ایک اعلیٰ سطحی اجلاس کی صدارت کرتے ہوئے آئی ٹی سکلز اسیسمنٹ ٹیسٹ اور ایکریڈیٹیشن فریم ورک کا تفصیلی جائزہ لیا۔ احد چیمہ نے وزارت انفارمیشن ٹیکنالوجی کو ہدایت کی کہ غیر منظور شدہ اداروں سے فارغ التحصیل ہونے والے طلبہ کی تعداد کا تعین کیا جائے اور طلبہ کو غیر قانونی پروگراموں میں داخلے سے بچانے کے لیے مؤثر میکانزم تیار کیا جائے۔
اجلاس میں بتایا گیا کہ آئی ٹی سکلز اسیسمنٹ ٹیسٹ میں 188 تعلیمی اداروں کے 33,000 سے زائد طلبہ نے حصہ لیا۔ وفاقی وزیر نے اسیسمنٹ فریم ورک کو عالمی معیار کے مطابق ڈھالنے اور تعلیمی اسناد اور عملی صلاحیتوں کے درمیان فرق کو ختم کرنے کی ضرورت پر زور دیا۔ انہوں نے ہائر ایجوکیشن کمیشن (HEC)، این سی ای اے سی (NCEAC) اور پاکستان سافٹ ویئر ہاؤسز ایسوسی ایشن (P@SHA) کے درمیان مضبوط تعاون کی ہدایت کی تاکہ تعلیمی نصاب کو مارکیٹ کی ضروریات سے ہم آہنگ کیا جا سکے۔
Read the full story on the original publisher’s website.
Open original article