وفاقی وزیر برائے بورڈ آف انویسٹمنٹ (BOI) قیصر احمد شیخ ورلڈ اکنامک فورم (WEF) کے تحت منعقد ہونے والے 'سسٹین ایبل ڈویلپمنٹ امپیکٹ میٹنگز 2026' میں شرکت کے لیے نیویارک روانہ ہو گئے ہیں۔ یہ عالمی اجلاس 21 سے 24 ستمبر تک جاری رہے گا۔
اس چار روزہ اعلیٰ سطح کے اجتماع میں عالمی رہنما، سرمایہ کار اور کاروباری شخصیات پائیدار ترقی اور معاشی لچک پر تبادلہ خیال کریں گے۔ وفاقی وزیر فورم کے دوران پاکستان کی معاشی صلاحیتوں، حکومتی اصلاحات، اور سرمایہ کاری کے موافق ماحول کو اجاگر کریں گے۔
وزیر موصوف سائیڈ لائنز پر بین الاقوامی سرمایہ کاروں اور عالمی معاشی رہنماؤں کے ساتھ دو طرفہ ملاقاتیں کریں گے جن کا مقصد توانائی، ٹیکنالوجی، زراعت اور مینوفیکچرنگ کے شعبوں میں غیر ملکی براہ راست سرمایہ کاری (FDI) کو راغب کرنا ہے۔
Read the full story on the original publisher’s website.
Open original article