Loading stocks --
Market News
English اردو

ڈی جی زراعت کا دورہ ملتان: کپاس کی پہلی دو چنائیوں سے اوسط پیداوار 12 سے 14 من فی ایکڑ ریکارڈ

پنجاب کے ڈائریکٹر جنرل زراعت (پیسٹ وارننگ اینڈ کوالٹی کنٹرول آف پیسٹی سائیڈز) ڈاکٹر عامر رسول نے تحصیل دنیا پور کے مختلف کپاس پیدا کرنے والے علاقوں کا دورہ کر کے فصل کی صورتحال اور پیسٹ مینجمنٹ کے اقدامات کا جائزہ لیا۔

ترجمان محکمہ زراعت کے مطابق، ڈی جی زراعت نے کپاس کی مجموعی صورتحال پر اطمینان کا اظہار کیا ہے۔ پہلی دو چنائیوں سے حاصل ہونے والی اوسط پیداوار 12 سے 14 من فی ایکڑ ریکارڈ کی گئی ہے۔

کچھ مقامات پر گلابی سنڈی (pink bollworm) اور رس چوسنے والے کیڑوں کا ہلکا حملہ دیکھا گیا ہے، تاہم مجموعی طور پر پیسٹ مینجمنٹ کی صورتحال کو اطمینان بخش قرار دیا گیا ہے۔ کاشتکاروں کو ہدایت کی گئی ہے کہ وہ گلابی سنڈی اور ملی بگ کے بروقت خاتمے کے لیے سرکاری ہدایات پر عمل کریں اور ہر 7 دن کے وقفے سے سفارش کردہ زرعی ادویات کا اسپرے کریں۔

Read the full story on the original publisher’s website.

Open original article