کراچی: اینگرو کارپوریشن لمیٹڈ کے بورڈ آف ڈائریکٹرز نے جنید اقبال کو کمپنی کے موجودہ صدر اور سی ای او احسن ظفر سید کے جانشین کے طور پر نامزد کرنے کی منظوری دے دی ہے۔ وہ اپریل 2027 میں احسن ظفر سید کی مدتِ ملازمت مکمل ہونے پر یہ عہدہ سنبھالیں گے۔
کمپنی کی جانب سے جاری کردہ اعلامیے کے مطابق، جنید اقبال اس وقت اینگرو ہولڈنگز لمیٹڈ کے سی ای او کے مشیر کے طور پر خدمات انجام دے رہے ہیں۔ احسن ظفر سید اپنی بقیہ مدت تک اینگرو کارپوریشن کی قیادت جاری رکھیں گے اور اس کے بعد انہیں اینگرو ہولڈنگز کے چیئرمین کا مشیر (Counsel to the Chairman) مقرر کیا جائے گا۔
جنید اقبال ٹیکنالوجی، فنانس اور میڈیا کے شعبوں میں وسیع تجربہ رکھتے ہیں۔ وہ ماضی میں Careem کے پاکستان اور سعودی عرب کے مارکیٹ لیڈر اور Careem Pay کے گلوبل ہیڈ کے طور پر خدمات انجام دے چکے ہیں۔ اس کے علاوہ وہ Elixir Securities کے سی ای او بھی رہ چکے ہیں جہاں انہوں نے ایچ بی ایل (HBL) کے 40 فیصد حصص کی نجکاری جیسے اہم سودوں میں کردار ادا کیا۔
Read the full story on the original publisher’s website.
Open original article