ملائیشیا نے کوالا لمپور میں پاکستانی حکام کے ساتھ اعلیٰ سطحی مذاکرات کے بعد پاکستان سے چاول کی برآمدات کو بڑھانے اور زرعی تجارت کو مستحکم کرنے پر اتفاق کیا ہے۔
وفاقی سیکرٹری برائے قومی غذائی تحفظ و تحقیق عامر علی احمد، سیکرٹری تجارت جواد پال اور ملائیشیا میں پاکستان کے ہائی کمشنر سید احسن رضا شاہ نے ملائیشیا کے ادارے برناس (BERNAS)، محکمہ ترقیِ اسلامی ملائیشیا (JAKIM) اور وزارت زراعت و غذائی سیکیورٹی کے سینئر حکام سے ملاقاتیں کیں۔
برناس کے گروپ سی ای او سے ہونے والی ملاقات میں پاکستانی چاول کے معیار کو ملائیشیا کے معیار کے مطابق بنانے اور برآمدات میں اضافے پر تفصیلی تبادلہ خیال کیا گیا۔ اس کے علاوہ حلال سرٹیفیکیشن، فوڈ سیفٹی اور زراعت، گوشت، پولٹری، ماہی پروری اور بائیو سیکیورٹی کے شعبوں میں دوطرفہ تعاون بڑھانے کا فیصلہ کیا گیا ہے۔
مفاہمت کی یادداشت کے تحت دونوں ممالک کے درمیان باضابطہ فالو اپ کا آغاز نومبر میں ایک مشترکہ ورچوئل میٹنگ سے ہوگا۔
Read the full story on the original publisher’s website.
Open original article