عالمی ڈیجیٹل آپریٹر VEON نے اگلے تین سالوں میں پاکستان میں اپنی متوقع سرمایہ کاری کو 1 ارب ڈالر سے بڑھا کر 1.5 ارب ڈالر کر دیا ہے۔ یہ بات وفاقی وزیر خزانہ محمد اورنگزیب نے منگل کے روز کراچی میں UNDP پاکستان کے زیراہتمام منعقدہ SDGs انویسٹمنٹ فیئر 2026 سے ویڈیو لنک کے ذریعے خطاب کرتے ہوئے بتائی۔
وزیر خزانہ نے اس پیشرفت کو ایک نمایاں اضافہ قرار دیا جو معیشت کے استحکام اور غیر ملکی سرمایہ کاری کے فروغ کی کوششوں کا نتیجہ ہے۔ انہوں نے مزید بتایا کہ پاکستان کے نجکاری پروگرام میں غیر ملکی سرمایہ کاروں کی دلچسپی بڑھ رہی ہے اور تین ترک کمپنیوں نے پہلی ڈسکو (DISCO) کی نجکاری میں دلچسپی ظاہر کی ہے۔
اس کے علاوہ پاکستان اسٹاک ایکسچینج (PSX) کے حوالے سے گفتگو کرتے ہوئے محمد اورنگزیب نے کہا کہ گزشتہ مالی سال کے دوران 11 آئی پی اوز کے بعد آخری سہ ماہی میں 5 آئی پی اوز مکمل ہوئے جبکہ مشہور برانڈ کھاڈی (Khaadi) کا آئی پی او بھی آنے والا ہے اور اگلے چند سالوں میں تقریباً 22 ریٹس (REITs) کی لسٹنگ کی توقع ہے۔
Read the full story on the original publisher’s website.
Open original article