وفاقی حکومت نے پاکستان ایڈمنسٹریٹو سروس (PAS) کی گریڈ 20 کی افسر مریم کیانی کو واشنگٹن ڈی سی میں انٹرنیشنل مانیٹری فنڈ (IMF) کے ایگزیکٹو ڈائریکٹر کی مشیر مقرر کر دیا ہے۔ یہ تقرری ڈیپوٹیشن پر تین سال کی مدت کے لیے کی گئی ہے۔
مریم کیانی اس وقت وزارت خزانہ (Finance Division) میں جوائنٹ سیکریٹری کے طور پر خدمات سرانجام دے رہی ہیں اور اس سے قبل وہ فنانس ڈویژن کے ایکسٹرنل فنانس ونگ میں پاکستان کے بیرونی مالیاتی معاملات اور بین الاقوامی قرض دہندگان کے ساتھ امور سنبھال چکی ہیں۔
وہ سیف اللہ ڈوگر کی جگہ لیں گی جو آئی ایم ایف کے ایگزیکٹو ڈائریکٹر کے سینئر مشیر کے طور پر اپنی تین سالہ مدت مکمل کرنے کے بعد پاکستان واپس آ رہے ہیں۔ مریم کیانی پبلک ایڈمنسٹریشن، پالیسی سازی، بیرونی خزانہ اور قانون سازی کے شعبوں میں 18 سالہ وسیع تجربہ رکھتی ہیں۔ وہ چارٹرڈ اکاؤنٹنٹ (FCA اور ACCA) ہونے کے ساتھ ساتھ قانون کی ڈگری بھی رکھتی ہیں۔
اپنے نئے عہدے پر وہ آئی ایم ایف کے ایگزیکٹو بورڈ کے سامنے پیش کیے جانے والے مختلف ممالک کے فنانسنگ کیسز، آرٹیکل IV کنسلٹیشن رپورٹس اور پالیسی پیپرز پر ایگزیکٹو ڈائریکٹر کی معاونت کریں گی۔
Read the full story on the original publisher’s website.
Open original article