پاکستان ٹیلی کام موبائل لمیٹڈ (PTML) نے پاکستان ٹیلی کمیونیکیشن اتھارٹی (PTA) کے اس فیصلے کو عدالت میں چیلنج کر دیا ہے جس میں اس کی ڈیجیٹل سروس ONIC کی تجارتی سرگرمیاں فوری طور پر معطل کرنے کا حکم دیا گیا تھا۔
پی ٹی اے کے مطابق اونِک (ONIC) کا ڈھانچہ موبائل ورچوئل نیٹ ورک آپریٹر (MVNO) کے فریم ورک کے تحت آتا ہے اور یہ ضروری لائسنس یا ریگولیٹری منظوری کے بغیر موجودہ شکل میں کام نہیں کر سکتی۔ پی ٹی اے نے PTML کو نئی سیلز، سم/ای-سم کے اجراء، مارکیٹنگ اور کمرشل آپریشنز روکنے کا حکم دیتے ہوئے موجودہ صارفین کو 3 ماہ کے اندر PTML پر منتقل کرنے کی ہدایت کی ہے۔
دوسری جانب PTML کا مؤقف ہے کہ ONIC کوئی آزاد ٹیلی کام آپریٹر یا MVNO نہیں ہے، بلکہ یہ PTML کا اپنا ایک ڈیجیٹل برانڈ ہے جو اس کے موجودہ لائسنس کے تحت کام کر رہا ہے۔ پی ٹی اے نے اس مؤقف کو مسترد کرتے ہوئے کہا کہ تھرڈ پارٹی DTMS کے ساتھ آمدنی کے 55 فیصد اشتراک کا معاہدہ اور الگ بلنگ و کسٹمر کیئر سسٹم اس سروس کو MVNO کے زمرے میں لاتے ہیں۔
Read the full story on the original publisher’s website.
Open original article