پاکستان نے قطر کو ایک طویل مدتی فوڈ سیکیورٹی شراکت داری کی پیشکش کی ہے جس کا مقصد قطر کی غذائی ضروریات کو پورا کرنے کے لیے پاکستان کی زرعی پیداواری صلاحیت اور سپلائی چینز کو استعمال کرنا ہے۔
یہ پیشکش وفاقی وزیر تجارت جام کمال خان اور حساد فوڈ (Hassad Food) کے چیف ایگزیکٹو علی ہلال الکواری کے درمیان ورلڈ انویسٹمنٹ فورم 2026 کے موقع پر ہونے والی ملاقات کے دوران کی گئی۔ دونوں رہنماؤں نے زراعت، فوڈ سیکیورٹی اور ایگری بزنس سپلائی چینز میں تعاون بڑھانے پر تبادلہ خیال کیا۔
وزیر تجارت نے حساد فوڈ کو 23 سے 26 نومبر 2026 تک کراچی میں منعقد ہونے والی نمائش 'FoodAg 2026' میں شرکت کی دعوت بھی دی تاکہ قطری سرمایہ کار پاکستانی زرعی برآمد کنندگان اور سرکاری اداروں سے براہ راست رابطہ قائم کر سکیں۔
اس کے علاوہ جام کمال خان نے ترکیہ کے نائب وزیر تجارت مصطفیٰ توزجو اور قطر بزنس مین ایسوسی ایشن کے چیئرمین شیخ فیصل بن قاسم آل ثانی سے بھی علیحدہ ملاقاتیں کیں، جن میں دوطرفہ تجارت، سرمایہ کاری اور لاجسٹکس و آئی ٹی کے شعبوں میں تعاون پر بات چیت کی گئی۔
Read the full story on the original publisher’s website.
Open original article