وفاقی وزیر برائے اقتصادی امور احد چیمہ کی زیر صدارت ایک اہم اجلاس منعقد ہوا جس میں پاکستان کے تعمیراتی شعبے کو مضبوط بنانے، منصوبوں کی بروقت تکمیل اور انڈسٹری کو درپیش مسائل کے حل کے لیے اصلاحات پر غور کیا گیا۔
اجلاس میں مجوزہ Construction Industry Development Authority (CIDA) Bill کا جائزہ لیا گیا اور تعمیراتی شعبے کے لیے ریگولیٹری و ترقیاتی اداروں کی ساخت پر مزید مشاورت کی ہدایت کی گئی۔
اہم فیصلے اور تجاویز:
- ڈفیٹ لائبیلٹی پیریڈ (Defect Liability Period): وفاقی وزیر نے پاکستان پبلک پروکیورمنٹ ریگولیٹری اتھارٹی (PPRA) کو ہدایت کی کہ بڑے منصوبوں کے لیے نقصانات کی ذمہ داری کی مدت کو کم از کم 3 سال یا اس سے زائد کرنے پر کام شروع کیا جائے، جسے بعد میں مرحلہ وار چھوٹے منصوبوں پر بھی لاگو کیا جائے گا۔
- ریٹینشن منی (Retention Money): ٹھیکیداروں کی جمع شدہ رقم کو منافع بخش اکاؤنٹس میں رکھنے کی تجویز پر غور کیا گیا تاکہ مدت پوری ہونے پر اصل رقم سود سمیت واپس کی جا سکے۔
- ڈسپیوٹ ایوڈنس بورڈ (DAAB): تنازعات کے حل کے لیے DAAB میکانزم کو سرکاری منصوبوں پر لاگو کرنے پر بات کی گئی۔ کنسٹرکٹرز ایسوسی ایشن آف پاکستان (CAP) کی 20 ارب روپے کی حد کو کم کرنے کی ہدایت کی گئی۔
- بین الاقوامی معیار: نئے فریم ورک کو International Federation of Consulting Engineers (FIDIC) کے عالمی قوانین و ضوابط کے مطابق ترتیب دیا جائے گا۔
Read the full story on the original publisher’s website.
Open original article