پاکستان نے اپنی 'ون چائنا' پالیسی کی پاسداری کرتے ہوئے تائیوان کی ایئرلائنز کے لیے اپنی فضائی حدود مکمل طور پر بند کر دی ہیں۔ بلومبرگ کی رپورٹ کے مطابق، یہ اقدام کسی بھی ملک کی جانب سے کی جانے والی اپنی نوعیت کی پہلی پیشرفت ہے۔
پاکستان کے وزیر دفاع خواجہ آصف نے بلومبرگ کو بتایا کہ پاکستان کی ایوی ایشن ڈویژن ون چائنا پالیسی پر عمل پیرا ہے اور صرف مین لینڈ چائنا سے تعلق رکھنے والی ایئرلائنز کو ہی پاکستانی فضائی حدود سے گزرنے کی اجازت دی گئی ہے۔
فلائٹ ٹریکنگ ڈیٹا کے مطابق تائیوان کی ایئرلائنز بشمول China Airlines Ltd اور EVA Airways Corporation نے 25 اکتوبر سے پاکستان کے اوپر سے پرواز کرنا بند کر دیا ہے اور ایشیا و یورپ کے درمیان اپنی پروازوں کا راستہ تبدیل کر کے روس کے اوپر سے گزاری جا رہی ہیں۔
پاکستان نے ہمیشہ تائیوان کو چین کا ناقابل تنسیخ حصہ قرار دیا ہے اور اس اقدام سے بیجنگ کے ساتھ پاکستان کی سٹریٹجک شراکت داری مزید مضبوط ہوتی ہے۔
Read the full story on the original publisher’s website.
Open original article