پاکستان میں سپین کے سفیر کارلوس اگون نے فیصل آباد چیمبر آف کامرس اینڈ انڈسٹری (FCCI) میں تاجر برادری سے خطاب کرتے ہوئے کہا ہے کہ پاکستان اور سپین کے مابین دوطرفہ تجارت کو فروغ دینے کے لیے دونوں ممالک کے درمیان براہ راست پروازوں کا آغاز انتہائی اہم ہے۔
سفیر نے کاروباری برادری کے لیے ویزا پراسیس کو ترجیحی بنیادوں پر تیز تر بنانے اور بلا تاخیر ویزے جاری کرنے کی یقین دہانی کرائی۔ انہوں نے کہا کہ سپین تجدید پذیر توانائی (Renewable Energy)، ٹیکسٹائل ری سائیکلنگ اور سرکلر اکانومی کے شعبوں میں پاکستان کے ساتھ تعاون کو آگے بڑھا سکتا ہے۔
FCCI کے صدر عارف احسان ملک نے سپین کے سرمایاکاروں کو ایم 3 انڈسٹریل اسٹیٹ میں سرمایہ کاری کی دعوت دی اور ٹیکسٹائل شعبے میں مشترکہ برانڈنگ اور ڈیزائننگ کے شعبوں میں تعاون کی تجویز پیش کی۔
Read the full story on the original publisher’s website.
Open original article