پاکستان اسٹاک ایکسچینج (PSX) میں جمع کرائی گئی اطلاع کے مطابق Thatta Cement Company Limited کے بورڈ آف ڈائریکٹرز نے الیکٹرک گاڑیوں (EV) کے شعبے میں داخلے کے لیے ایک مکمل ملکیت والی ذیلی کمپنی (Wholly Owned Subsidiary) قائم کرنے کی منظوری دے دی ہے۔
کمپنی نے بتایا کہ یہ ذیلی ادارہ ابتدائی طور پر چین سے مکمل تیار شدہ (CBU) الیکٹرک گاڑیاں درامد کرے گا۔ کمپنی کی اسٹریٹجی روایتی پریمیم یا نیش ای وی طبقے کے بجائے عام عوام کے لیے سستی، کمپیٹ اور چھوٹی الیکٹرک گاڑیاں متعارف کروانا ہے تاکہ وسیع تر صارف طبقے کی ضروریات کو پورا کیا جا سکے۔
ٹھٹہ سیمنٹ کے مطابق، اس اقدام کا مقصد پاکستان کی نئی ابھرتی ہوئی ای وی انڈسٹری میں ابتدائی قدم جمانا ہے، جبکہ مستقبل میں مقامی سطح پر اسیمبلنگ (Local Assembly) اور دیگر متعلقہ کاروباری سرگرمیوں میں توسیع پر بھی غور کیا جا سکتا ہے۔ تاہم کمپنی نے اس منصوبے کی حتمی سرمایہ کاری کی رقم کا افشا نہیں کیا۔
Read the full story on the original publisher’s website.
Open original article