موسمیاتی تبدیلیوں اور درجہ حرارت کے پیٹرن میں تبدیلی کے باعث سندھ کے ساحلی اضلاع میں تاریخ میں پہلی بار نومبر کے دوسرے ہفتے سے ہی کپاس کی کاشت کا آغاز ہو گیا ہے۔
روایتی طور پر سندھ کے ساحلی علاقوں میں فروری اور مارچ میں کپاس بوئی جاتی تھی، جبکہ ملک کے دیگر حصوں میں مئی اور جون میں کاشت ہوتی تھی۔ تاہم سازگار درجہ حرارت کی بنا پر ٹھٹھہ اور سجاول کے اضلاع (بشمول چوہڑ جمالی، میرپور ساکرو، گھارو اور کیٹی بندر) میں کسانوں نے چاول کی فصل کے بعد خالی ہونے والے کھیتوں میں کپاس کی بوائی شروع کر دی ہے۔
ماہرین اور کاٹن جنرز فورم کے چیئرمین احسان الحق کے مطابق اگر نومبر اور دسمبر میں درجہ حرارت سازگار رہا تو فروری مارچ تک جننگ کا عمل بھی جلد شروع ہو سکتا ہے، تاہم غیر موسمی تبدیلیوں سے فی ایکڑ پیداوار اور معیار متاثر ہونے کے خدشات بھی موجود ہیں۔
Read the full story on the original publisher’s website.
Open original article