ایف پی سی سی آئی کے بزنس مین پینل (BMP) نے پاکستان میں توانائی کے شعبے میں جامع اصلاحات کا زوردار مطالبہ کیا ہے۔ بی ایم پی کے چیئرمین اور سابق صدر ایف پی سی سی آئی میاں انجم نثار نے خبردار کیا کہ پاکستان سالانہ تقریباً 3.5 کھرب روپے غیر ضروری توانائی درامدات پر خرچ کر رہا ہے، جس سے زرمبادلہ کے ذخائر پر بوجھ پڑ رہا ہے اور صنعتی و گھریلو صارف کے لیے بجلی کی لاگت میں اضافہ ہو رہا ہے۔
میاں انجم نثار نے نشاندہی کی کہ ملک میں نصب شدہ پیداواری صلاحیت اور بجلی کی مانگ کے درمیان عدم توازن نے کیپسیٹی پیمنٹ کی لاگت میں اضافہ کیا ہے، جبکہ ایل این جی کی مہنگی درامدات معیشت کو نقصان پہنچا رہی ہیں۔ انہوں نے پاور سیکٹر انڈیجنائزیشن پلان کو تیز کرنے، مقامی ڈسٹری بیوشن و ٹرانسمیشن ایکوپمنٹ کی تیاری اور ملک بھر میں توانائی کی بچت کے بلڈنگ کوڈز نافذ کرنے پر زور دیا۔
Read the full story on the original publisher’s website.
Open original article