وزارتِ تجارت نے حبیب بینک لمیٹڈ (HBL) کو اہم شراکت دار ممالک کے ساتھ تجارتی مالیا تی اور بینکاری روابط کو مضبوط بنانے میں تعاون فراہم کرنے پر اتفاق کیا ہے تا کہ باہمی تجارت اور سرحد پار لین دین میں سہولت پیدا کی جا سکے۔
وفاقی وزیر تجارت جام کمال خان اور HBL کے صدر اور سی ای او محمد ناصر سلیم کے وفد کے درمیان ہونے والے اجلاس میں ایس ایم ای فنانسنگ، ڈیجیٹل بینکنگ اور برآمدات میں سہولت پر تبادلہ خیال کیا گیا۔ اس تعاون کے تحت بالخصوص بنگلہ دیش، چین، مالدیپ اور سری لنکا کے ساتھ بینکاری روابط کو استوار کیا جائے گا۔
وزیر تجارت نے پاکستان کے غیر رسمی ایس ایم ای شعبے کو دستاویزاتی معیشت میں لانے کی اہمیت پر زور دیا تاکہ ادارہ جاتی فنانسنگ تک رسائی اور برآمدی مسابقت کو بہتر بنایا جا سکے۔ HBL کی انتظامیہ نے ڈیجیٹل مالیاتی خدمات اور غیر دستاویزاتی کاروباروں کو فنانسنگ کی فراہمی میں درپیش چیلنجز سے آگاہ کیا۔
Read the full story on the original publisher’s website.
Open original article