وزارت بحری امور کے حکام نے برآمد کنندگان کو سہولت فراہم کرنے اور شپنگ کے اخراجات میں کمی کے لیے پاکستان نیشنل شپنگ کارپوریشن (PNSC) کی جانب سے کنٹینر جہاز لیز پر لینے یا خریدنے کے امکانات کا جائزہ لینا شروع کر دیا ہے۔ یہ بات وفاقی وزیرِ بحری امور محمد جنید انور چوہدری اور برآمد کنندگان کے ایک وفد کے درمیان ہونے والے ایک اہم اجلاس کے دوران سامنے آئی۔
اجلاس کے دوران برآمد کنندگان نے نشاندہی کی کہ علاقائی سطح پر شپنگ کے راستے تبدیل ہونے کی وجہ سے یورپی اور امریکی منڈیوں تک ترسیل کے وقت اور اخراجات میں نمایاں اضافہ ہو چکا ہے، جس سے پاکستانی مصنوعات کی مسابقت متاثر ہو رہی ہے۔ وفد میں اسٹائل ٹیکسٹائل کے سی ای او شہزاد اصغر علی، گلوبل ایڈڈیڈاس کے نائب صدر بینیڈکٹ برنر اور دیگر اعلیٰ حکام شامل تھے، جبکہ پی این ایس سی کے سی ای او سید جرار حیدر کاظمی نے بھی آن لائن شرکت کی۔
وزیرِ بحری امور نے اس مسئلے کے حل کے لیے وزارتِ بحری امور، پی این ایس سی اور برآمد کنندگان پر مشتمل ایک ورکنگ گروپ تشکیل دے دیا ہے جو تجارتی روٹس کی بہتری اور جہاز کی خریداری یا لیزنگ کے امور کا معائنہ کرے گا۔
Read the full story on the original publisher’s website.
Open original article